最近有報導華叔患病, 睇黎狀況唔太樂觀. 好多政棍見到呢個情況係度貓哭老鼠. 話要幫佢攞番回鄉證. 又話咩高調唔一定有效果又話一直做緊野. 係咪其實佢地想嬲到阿華叔快d去? 你唔高調就唔好依家提. 六四之後, 華叔比人收左回鄉證都廿年, 你低調地搞左廿年都未搞掂就係'抵調', 依家高調地講出來更加醜啦.

但反觀華叔, 一直裡外一致, 講話如果有回鄉證, 就會去探劉曉波, 譚作人. 呢d先係政治人士需要有嘅骨氣同堅定意志.

香港人唔係傻. 你做緊乜明眼人知道你係咩人.  你班政棍可能會話華叔stubborn, 但看風駛(巾里), 大話精嘅你地又有幾值得人尊重?

係呢度, 向華叔喝一聲采~ 華叔好野~!!

早排某八婆雜誌用正生會內地註冊地址黎造文章. 早2日廉署又玩大搜查.

我有d陰謀論, 可以咁深入了解正生背景, 然後又'咁橋' ICAC介入正生盤數....

係咪有人係背後想打擊正生? 如果係, 佢地應該度左好多橋, 計劃好哂一步一步咁去做.

如果係, 呢班真係粉人到極....

正生咁多年來幫左好多年青人脫離毒癮重新造人, 如果比一班只為自己利益而想打擊正生O既人達到目的, 香港真係令人感到好絕望.....

 當然, 只係我有d陰謀論only.

但希望香港唔好粉化, 比番一d有正面價值o既團體/人有空間生存落去....

岡和清靈自從和諾然分開行動後, 兩人便全速趕回村內. 岡起初還怕清靈會趕不上自己的速度, 然而一輪急奔後, 清靈仍是不徐不疾的在自己身旁跟著前進, 靈巧如御風而行. 岡當然非常驚訝, 雖說今晚天氣清涼, 岡在急奔下已微微出汗, 可是清靈竟仍是若無其事般追著上來. 岡, 清靈和諾然師承同一位師父, 那個師父為人雖然瘋癲粗暴, 卻是博學多才, 所教三人的技巧竟不盡相同, 修煉的方法有時也是莫名其妙. 所以很多時候, 三人雖會互相討論所學到的, 卻仍是不大清楚.

過不多久, 二人便已回到村莊, 岡和清靈立即到防衛隊總部回報. 達度聽到雜技團打算突襲村莊, 便立刻秘密召集護衛隊小隊隊長進行部署. 由於清靈不是護衛隊成員, 岡便帶他到休息室等待. 岡剛安頓好清靈, 才想離開休息室, 便聽到一把聲音對清靈說:"小樹枝你在這裡幹什麼? 現在可是小鬼睡覺的時間呀." 那把聲音與其說是'說', 感覺其實如野獸在咆哮一般, 只不過是聲音本人平常的聲量才說成是'說'而已. 

清靈和岡回頭一看, 見到門口立著一頭如野獸一樣的男人. 那人身材雄偉如山嶽, 在雜亂如猛獅鬃毛的長髮和滿臉的鬍鬚中, 仍可清楚看到如電光橫閃的兩眼, 透出狂野不屈的眼神. 雖然穿著樸素寬鬆的長袖衣服, 卻怎樣都覆蓋不了全身充滿精力, 像隨時要破衫而出的肌肉. 一手拿著已經半空的酒瓶, 一手拿著空酒杯. 那男子毫不在意自己堅實身體的重量, 倚在老舊大門的框, 任由可憐的門框發出抗議一樣的'吱吱'聲在喝著酒.

'師父.' 崗和清靈對著那男人恭敬的道.

那男子用握酒杯的手向兩人揮一揮當打招呼, 另一邊手拿著酒瓶便向口中灌下. 崗和清靈相視一笑, 見師父拿了酒杯又不用, 想是酒杯太細, 每次只能逐少喝, 讓他不耐煩了吧?

'師父, 村子有急事, 我要去隊長那裡開作戰會議, 要先過去了.'

男子正想再揮手, 舉起酒瓶喝的時候, 抬頭忽然看見天窗外, 初昇的月亮正冷冷的靠在山腰時. 停下了動作. 崗看到師父停下揮動的手, 便問:'師父, 有事嗎?' '...沒事, 快走吧, 小隊長不能遲到.' '是, 那麼我去了'. 崗快步離開休息室, 背後聽到了師父如不祥彗星般的話: '今夜是滿月呀..'

無咩特別想寫. 只希望動動指頭讓思緒蒲出腦袋. 這叫做舒緩壓力.

文章咁樣的開頭, 是倒自己米, '沒什麼特別想寫' 就係話比人知無野好睇, 無人會有興趣睇落去. 不過....關我乜事? XD

尋日睇新聞, 一家四口被殺. 行兇者, 為錢殺人. 我唔明, 條粉腸點解可以咁做????? 稚女無辜, 硬生生被焗死. 呢條粉腸心腸係咩做? 一d惻隱之心都無? 佢係咪應該死十次呢? 係咪我有歧視呢? 見到好多新聞大陸人可以因為錢殺人, 為錢可以不顧一切. 大頭奶粉, 三罪清胺, 假蛋, 豆腐樓工程.... 中國, 愈繁榮就愈腐敗... 香港都已經好'大陸'化.. 連教育都係歌功頌德中國有幾繁榮, 隱惡揚善. 好怕影響下一代... 會唔會第時自己仔女會批鬥自己呢? 每每見到呢d新聞, 想到好遠, 都好唔開心. 世界同我心目中o既美好世界愈來愈分別大. 

可能, 我好快會被淘汰...

我係一個大意爸爸. 依家bb好細個, 好多野唔留意, 就瀨野. 連比自己疲憊o既時間都唔可以. 尋日係廳度'支力'到瞓左, 一醒已經係床, 唔記得check bb有無冷親. 結果見到媽咪係度幫bb加被. bb已經都幾凍下. 個一下真係好嬲自己. 但事實已成, 無得補飛.

係公司, 好怕d人笑騎騎, 放毒蛇. 呢頭同你有傾有講, 轉頭將d野escalate, 但要講到人地錯哂. 對d陰陰濕濕o既人, 真係好想玩大佢. 反正無野輸唔起...

好多野頂住頂住個心. 想爆鑊甘. 轉頭冷靜一下, 問上帝. 你先係老細. 請你教下我咩係羊入狼群時可以做o既.

雖然未必有正生書院的同學睇到呢篇文章, 但係想你地知道我都支持你地.

係邊度讀書唔重要. 重要係你地唔係好似人地亂講咁o既人. 你地已經係一個新造o既人. 同埋你地校長校監好支持你地. 呢d先係最重要o既財產.

另外, 我都支持你地係梅窩讀書. 因為希望你地o既好行為, 能夠成為部份自私自私o既梅窩居民o既好榜樣. 等佢地知道, 一個有價值o既人, 係唔可以只顧自己利益而行動. 而且, 係困難o既環境中, 先顯出你地堅強o既一面.

希望你地無論將來新校舍係邊, 都會成為當地o既燈台, 發熱發光.

要加油努力!

又說六四.

不是談政治. 本來我就是對政治冷漠. 一直對別人扭曲的表達六四氣憤是因為一件事實被人扭曲了. 一件罪行被人狡辯而想卸責脫身. 找那麼多打手, 去誤導, 去想淡化, 去對人洗腦. 手法確實比以前高明很多, 但對我來說, 和當年袁木對全世界說一個學生也沒有死, 和政府發言人說所有報導都是美國特技的低能說謊技巧一樣沒分別. 就像為一個死人化妝然後說那人沒死一樣. 分別只是當年化得像個紙紮公仔無人會信, 現在則有高技巧高級化妝品令死人栩栩如生而已. 人已經死了, 是一個不變的事實. 愈掩飾就愈仆街.

我沒想過去令年輕人改變對六四的看法. 就像二次大戰的軍票問題, 我的確沒有共鳴. 沒有同一樣的經歷是很難會對事件關心. 只是, 無法認同這一代的人覺得因為有需要, 政府血腥鎮壓手無寸鐵的平民是可以接受的. 那是一種暴行. 是作為當權者最醜陋的行為. 是絕不可以認同的. 這種暴行是要遣責, 是要告訴當權者, 不可以逃避罪責.

所以六四二十週年, 我會參與集會. 讓我去代表自己, 告知所有人, 六四, 未敢忘記!

今日食lunch睇到今集左右紅藍綠 - 從五四看六四. 多睇一陣, 開頭都真係似模似樣, 嘉賓主持呂智偉去到尾開始總結時話, 六四係愛國運動, 但後來比外界勢力介入, 好似支聯會捐錢支持, 外國傳媒大力渲染而變質, 由愛國運動變左反政府運動. 跟住就跳去結局:好多愛國知識份子係六四中死去. 然後話, 愛國運動要唔好走極端, 唔係會好似泰國學生運動咁暴力收場.

有幾點好想回應

一. 首先,  由始至終六四都係一場愛國運動. 反對o既唔係國唔係黨. 而係貪污腐敗. 而係希望國家有民主. 其間, 一直都係和平示威, 無暴力事件, 示威人士亦係自律守紀的. 究竟學生們如何反政府呢? 請詳述之. 講真我一d都收唔到呢d資訊. btw, 我係睇香港同外國傳媒o既報導. 因為中國傳媒一d都唔敢據事實報導. 當然如果你話貪污腐敗等於中國政府則作別論.

二. :好多愛國知識份子係六四中死去唔係因為外國傳媒大力渲染, 亦唔係因為有人捐錢而死. 咁樣induce因同果同麥太講故事比麥兜聽一樣:'從前有個小朋友唔聽媽咪話, 有一日佢死左'. 因同果完全無直接關係. 再講一次, 好多愛國知識份子係六四中死去係因為中國政府派軍隊鎮壓呢群手無寸鐵o既學生同北京市民而死. 點解呂先生你講野講一半? 你係怕中國政府唔開心定別有用心想誤導觀眾?

三. 泰國學生同當時北京學生o既示威點可以相提並論? 當時北京學生無暴力, 有秩序, 只求對話, 亦無人乘亂搶奪放火燒車掟石掟汽油彈滋擾平民. 何來極端??

呂先生你講野每話留五分, 又不盡不實, 類比又用得不恰當, 究竟點解呢..? 希望你唔會又覺得自己係代表緊香港人講野啦...

真係好擔心香港將來會變點. 究竟...bb應唔應該係香港受教育呢....?

掌握呢個形容詞真係幾好. 形容到依家個心情.

我想做o既所有事, 能力都只有一掌之握. 除非係勁到隻手遮天, 否則可以控制o既事都只有一掌之大. out of hands 就 out of control. 無論你講到明要點做, 只要件事係要交比人, 其實最終決定權都已經係人地度. 佢可以照做, 可以做得比預期更好, 可以陽奉陰違, 可以唔理, 可以到最後比一百個surprise你.

我唔鍾意apply好多control係個task schedule度. 因為用者不疑, 疑者不用. 到我要closely monitor, d人通常會比我逼死. 講永遠容易過做. 要問人progress, 可以隨時定時問, 無限次提個deadline係幾時, 或者提某d point比壓力去逼倉, 有幾難. 但咁一來大家難做, 二來咁樣大家唔會做到自動波, 好難培養有密契.

我同大人個牛女出左世之後, 屋企多左個工人, 佢都真係好ok, 家務, 清潔, 煮飯, 態度好多野平常心d去睇, 其實都收到貨. 但去到照顧bb, 我地都會好著緊. 但有問題點樣去提醒佢要做到符合我地要求, 又真係唔易. 因為bb第時要佢一對一咁照顧, 工人真係唔可以疏忽. 但你太緊,其實佢係壓力下, 可能會做到亂, 癲左. 究竟點先可以提到佢又令佢對bb好呢~

安排家人照顧bb更加難. 其實我心想父母年紀都大, 要佢地幫手真係幾辛苦. 但又希望佢地可以同bb玩下, 亦唔需要單靠工人幫手, 係一件好事多過壞事. 不過安排之下, 一樣唔易. 父母既要尊重佢地, 但又希望佢地某d地方可以妥協, 點樣settle呢? 最終既然佢地堅持, 只好我地去compromise. 都只係希望可以做到大家可以開開心心去睇住bb, 又可以睇住bb開開心心咁長大.

工作方面, 一樣. 講左, 人地可以唔理. 活係自己個世界度, 認為schedule係自己定. 講左一次要幾時交貨, 唔理, 兩次, 唔理. 第三次, 我話, 你咁忙, 不如我自己做番啦. 潛台詞係, 同你講schedule 用左o既時間, 足夠我做完再check兩次. 何必要我浪費咁多時間? 呢d情況, 唔單只想要掌握, 仲想掌摑.  = =|||

所以, 管理, 真係一門藝術. 幾時要管, 幾時要理, 可唔可以理, 應唔應該管, 要做到恰當又大家舒服, 真係好似一個指揮家咁~

曾蔭權不代表我

六四, 未敢忘記

那是一場統治階層為守住利益權力而使用軍隊驅趕並屠殺手無寸鐵的學生和市民的一場暴力事件. 這就是我和二十年前香港市民所知的事實. 那時電視有報導, 新聞有直播, 街上有一百萬香港市民站了出來. 那時, 曾特首你在香港嗎? 那時, 你的想法是只要國家富強, 政府做這種暴行都無所謂嗎?

這件歷史事實不會因為國家富強了, 就變成一件小事, 可以埋沒良心當作沒發生過! 曾特首, 這是我一個小小香港人的意見, 但我夠膽講, 呢個先係香港人o既整體意見. 你做過咩調查, 知道大家都唔再介懷曾經發生過六四?

但我要多謝你, 因為你呢番言論, 呢次六四集會我會去, 表達咩先係香港人o既意見.

唔係講緊呢排想要乜有乜. 係想話老闆心想, 就要事成.

做到o既, 我都努力去做, 唔識o既, 幾難都drill到知道前因後果來龍去脈. 人人都話係bug, 我都會去搵所謂o既bug同個change係咪有關. 唔係我地d野, 老闆想要, 都可以立埋來做. 凡事我都真係盡左力. 亦無話推3推4. 要ot, 要夜一夜先可以返屋企見下個女, 幫大人照顧個女, 我都要忍忍忍. 你要搵人騎住我, 監我做好多零零碎碎o既野, 好, 我都當份內事, 照做.

但依家要我孭多2個完全唔熟o既野, 我真係有d無奈. 唔夠人都唔好咁啦. 你心想就要我事成. 唔通係你眼中我真係咁得閒?

雖然話工作係上帝o既工作, 要忠心, 但我真係驚我會collapse. 唉.....

我寧願係一隻genie, 起碼知道實現左3個願望之後可以得到自由. 依家根本係系個慾望o既旋渦中愈沉愈深.......